Эрүүл мэндийн яамнаас коронавирусний халдварын нөхцөл байдал, тархалтын талаарх ээлжит мэдээллээ хийлээ.
ХӨСҮТ-ийн Тандалт судалгааны албаны дарга А.Амбасэлмаа:
"2020.08.23 Өчигдөр ХӨСҮТ-ийн 2, Дархан-Уул аймгийн нэг лабораторид нийт 399 хүнд коронавирусний шинжилгээ хийлээ. Бүх шинжилгээний хариунд коронавирус илрээгүй.
Шинжилгээний хариуг задалж хэлвэл:
- 8.22-ны өдөр Сөүл-УБ чиглэлийн тусгай үүргийн онгоцоор ирсэн 268 хүний шинжилгээ
- 8.9-ны өдөр Франкфурт-УБ чиглэлийн тусгай үүргийн онгоцоор ирсэн 67 хүний давтан шинжилгээ,
- ХӨСҮТ-д тусгаарлагдсан 1 хүний шинжилгээ,
- Цэргийн төв эмнэлэгт тусгаарлагдсан 9 хүний давтан шинжилгээ,
- Өмнөговь аймагт тусгаарлагдсан 27 хүний шинжилгээ,
- Алтанбулаг боомтоор орж ирсэн ачаа тээврийн 21 жолоочийн шинжилгээ
- Дорноговь аймгийн Замын-Үүд суманд тусгаарлагдсан 1 хүний шинжилгээнд тус тус коронавирус илрээгүй.
Өнөөдөр нэг хүн эдгэрч дараагийн шатны тусгаарлалт руу шилжиж байна. Ингээд МУ-д нийт батлагдсан тохиолдол 298 байна. Үүнээс 289 иргэн эдгэрсэн байна.
Эдгэрсэн хүмүүсээс сувиллын ажиглалтанд 31 хүн, гэрийн ажиглалтанд 40 хүн байна. Ажиглалт, тусгаарлалтын хугацаа дууссан 218 хүн байна.
ХӨСҮТ-д одоо 9 хүн эмчлэгдэж байна. 7 хүний биеийн байдал хөнгөн, 2 хүний биеийн байдал хүнд байна" гэлээ.
