Сүүлийн өдрүүдэд нийт нутгаар хүйтний эрч чангарч, малчид хүндхэн нөхцөл байдалтай байгаа. Иймд УОК-оос өвөлжилт хүнд байгаа аймаг, сумдын малчдад туслах өвс, тэжээлийн тусламжийн цувааг орон нутгууд руу илгээсэн. Түүнчлэн иргэд олон нийтийн зүгээс малчдад туслах тусламжийн үйл ажиллагааг эхлүүлсэн байна. Тухайлбал, Хотын даргын орлогч асан З.Төмөртөмөө найзуудын хамт Дорноговь аймаг болон Говьсүмбэр аймгийн Чойр хотуудаар явж малчдад тусалж буй аж.
Тэрбээр цаг үеийн нөхцөл байдалтай холбоотойгоор, "Дорноговь аймгийн Даланжаргалан суманд олон арван уул уурхайн компани үйл ажиллагаа явуулдаг бөгөөд малын бэлчээргүй болсон. Малчид хэдхэн жилийн дараа нүүхээс өөр аргагүй болох хүндхэн нөхцөл байдал ажиглагдаж байна" гэх мэдээллийг өөрийн цахим хуудсаараа дамжуулан мэдээлжээ.
