"Нүүрсний" гэх хэрэгт яллагдагчаар татагдаад байсан УИХ-ын гишүүн асан Т.Аюурсайхан, "Эрдэнэс Тавантолгой" ХК-ийн гүйцэтгэх захирал асан Б.Ганхуяг нарт холбогдох хэргийн гэм буруугийн шүүх хурал дуусаж, шийдвэрээ танилцуулсан.
Тодруулбал, Т.Аюурсайханд гурван жил хорих ял, "Эрдэнэс Тавантолгой" ХК-ийн захирал асан Б.Ганхуягт шүүхээс 5 жил 9 сар хорих ял оноож, нийтийн албанд томилогдох эрхийг нь 7 жилээр хассан.
Мөн "Эрдэнэс Тавантолгой" ХК-ийн Гүйцэтгэх захирал асан Б.Ганхуягаас 9.9 тэрбум төгрөг, Т.Аюурсайханаас 1.8 тэрбум төгрөг хураан авч, улсын төсөвт шилжүүлэхээр болжээ.
