Баянзүрх дүүргийн 26 дугаар хороо, “Их Монгол”, “Дүнжингарав” худалдааны төвийн автозамын уулзварт шингэрүүлсэн байгалийн хий (газ) тээвэрлэж явсан том оврын автомашин, суудлын автомашинтай мөргөлдсөн зам тээврийн ослын улмаас гал гарч, гурван алба хаагчийн амь нас эрсдсэн харамсалтай хэрэг гараад буй. Үүсээд буй асуудалтай холбогдуулан Улсын Онцгой комисс 14.00 цагт хуралдахаар болжээ. Хуралдааны дараагаар олон нийтэд мэдээлэл хийх аж.