Эрүүл мэндийн яамнаас коронавирусний халдварын нөхцөл байдал,  тархалтын талаарх ээлжит мэдээллээ хийлээ. 

ХӨСҮТ-ийн Тандалт судалгааны албаны дарга А.Амбасэлмаа: 

"/2020.08.17/ Өчигдөр ХӨСҮТ-ийн 2, Дархан-Уул аймгийн нэг лабораторид нийт 586  хүнд коронавирусний шинжилгээ хийлээ. Бүх шинжилгээний хариунд коронавирус илрээгүй.

Шинжилгээний хариуг задалбал: 

• 7.28-ны өдөр Сөүл-УБ чиглэлийн тусгай үүргийн онгоцоор ирсэн 258 хүний  давтан шинжилгээ
• 8.11-ны өдөр Прага-УБ чиглэлийн тусгай үүргийн онгоцоор ирсэн  248 хүний давтан шинжилгээ, 
• ХӨСҮТ-д тусгаарлагдсан 3  хүний  шинжилгээ,
• Тандалтын нэг хүний шинжилгээ, 
• Эмч, ажилчдын 5 шинжилгээ, 
• Ажиглах байранд тусгаарлагдсан 28  хүний давтан шинжилгээ
• Цэргийн төв эмнэлэгт тусгаарлагдсан 13 хүний давтан  шинжилгээ, 
• Алтанбулаг боомтоор орж ирсэн ачаа тээврийн  28  жолоочийн шинжилгээ
• Сэлэнгэ аймагт тусгаарлагдсан 1 хүний шинжилгээнд тус тус коронавирус илрээгүй. 

Өнөөдөр хоёр хүн эдгэрч дараагийн шатны тусгаарлалт руу шилжиж байна. 27, 28 настай энхийг сахиулагчид эдгэрлээ.  Ингээд МУ-д  нийт батлагдсан тохиолдол 298 байна. Үүнээс 278 иргэн эдгэрсэн байна. ХӨСҮТ-д одоо 20  хүн эмчлэгдэж байна. 18 хүний биеийн байдал хөнгөн, 2 хүний биеийн байдал хүнд байна" гэв.