Энэ жилийн Цагаан сарын баярын өдөр буюу XVII жарны "Хилэнт эх" хэмээх модон луу жилийн шинийн 1-ний өдөр 2024 оны хоёрдугаар сарын 10-нд тохионо. Улмаар цахим орчинд битүүний өдөр байхгүй гэх мэдээлэл цацагдаж буй.

Энэ талаар Гандантэгчинлэн хийдийн Гэвш, зурхайч лам Г.Батсууриас тодруулахад "Төгс буянт Монгол зурхайн тооллоор өвлийн сүүл сарын хуучдын 30 буюу билгийн тооллын битүүний өдөр тасарч байгаа. Тодруулбал, Төгс буянт Монгол зурхайн тоололд өдөр давхцах болон тасрах ёс бий. Энэ жил битүүний өдөр тасарч буй тул урд өдөр нь буюу аргын тооллын 2-р сарын 09-ний өдөр ард иргэд битүүлгээ хийнэ" гэх мэдээллийг өглөө.

Бид энэ талаарх дэлгэрэнгүй видео тодруулгыг удахгүй UBN.mn пэйж хуудсаар хүргэх болно.