Төв аймгийн Сэргэлэн сумын Авдар багийн "Полигон" гэдэг газар тус сумын харьяат иргэн Э, У нар мотоциклоор адууны эрэлд явж байгаад сураггүй болсон байсныг эсэн мэнд олжээ.

Энэ тухай дуудлага өчигдөр /2023.01.03/ өдрийн 01:26 цагт ОБГ-т ирсэн бөгөөд тус аймгийн Онцгой байдлын газрын Эрэн хайх, аврах салбарын алба хаагчид иргэн Э /42 настай, эрэгтэй/, У /43 настай, эрэгтэй/ нарыг эрэн хайх ажиллагааг мөн өдрийн 01:41 цагаас эхлэн зохион байгуулан ажиллаж, 08:09 цагт сумын төвөөс урд зүгт 30 км зайтай эсэн мэнд олсон байна.