Хянан шалгах Түр хорооноос зохион байгуулж буй нүүрсний хоёр дахь шатны сонсгол хоёр дахь өдрөө үргэлжилж байна. Энэ үеэр "ЭТТ" ХК-ийн гүйцэтгэх захирал асан Я.Батсуурь "Цагаанхадыг хаахад Хятадууд хүчтэй эсэргүүцэж байсан. Намайг ажлаа өгсний дараа хэдэн км оочер үүсгэж, Монголын нүүрсийг гаргахгүй гацааж байгаад, буцааж нээлгэсэн. Цагаанхаданд нүүрсний хорогдол их гарч, байгаль орчин их сүйтгэдэг. Тэнд байгаа Ханбогдод газар авсан Хятадын компаниуд л ашиг хийдэг байхгүй юу. Үүнийг цаашид хаах нь зүйтэй гэж би хувьдаа боддог" гэв.