Эрх баригч намаас бүсчилсэн тойргийн жагсаалттай болох шийдэлд санал гаргаж, үүний хүрээнд өнгөрөгч долоо хоногт улс төрийн намуудтай зөвшилцөнө гэдгээ МАН-ын бүлгээс мэдэгдсэн. Түүнчлэн өчигдөр АН-ын Улс төрийн зөвлөлөөс УИХ-ын сонгуулийн тойргийг томосгож, бүсчилсэн хэлбэрээр зохион байгуулахыг дэмжиж буйгаа илэрхийлсэн. Тэгвэл өнөөдөр /2023.12.18/ өглөө 08.00 цагт МАН-ын Удирдах зөвлөл хуралдаж, бүсчилсэн тойргийн шийдлийг дэмжиж, шийдвэрээ МАН-ын бүлэгт танилцуулсан аж. Яг одоо МАН-ын бүлгийн хуралдаанаар тойргуудыг хэрхэн бүсчлэх талаарх асуудлыг хэлэлцэж байна. Ийнхүү улс төрийн намууд зөвшилцсөнөөр бүсчлэлийн асуудлыг энэ долоо хоногт УИХ-аар хэлэлцүүлж, тогтоол гаргах процесс үргэлжлэх бололтой.
