Монголын олон суваг дамжуулагчдийн холбооноос өнгөрөгч 10 дугаар сард зохион байгуулагдсан “КОНТЕНТ – ЗОХИОГЧИЙН ЭРХИЙН АСУУДАЛ” хэлэлцүүлгийн үеэр хөндөгдсөн асуудлуудыг багцалж, холбогдох чиглэлүүдээр шат дараалан арга хэмжээнүүдийг авч хэрэгжүүлж байна. Энэ удаад Засгийн газрын хэрэгжүүлэгч агентлаг Оюуны өмчийн газартай харилцан ойлголцол, хамтын ажиллагааны санамж бичгийг байгууллаа.
Ингэснээр зохиогчийн эрхийг хамгаалах, төрийн хувийн хэвшлийн хамтын ажиллагааг өргөжүүлэх, оюуны өмчийг эдийн засгийн эргэлтэнд оруулах, контентын салбарт шударга өрсөлдөөн бий болгох, уран бүтээлчдийн тэгш оролцоог хангах, контентийн зах зээл, зохиогчийн эрхийн талаар нийгэмд нөлөөлөх гэсэн зорилтот ажлуудыг зохион байгуулахаар талууд тохирцлоо.
