ХЗБХ-ны өнөөдрийн хуралдаанаар Шүүх байгуулах тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцлээ.

Энэ үеэр ХЗДХ-ийн сайд, Нүүрсний хянан шалгах түр хорооны дарга Б.Энхбаяр "Эрдэнэтийн 49 хувьтай холбоотой бүлэг, зохион байгуулалттай гэмт үйлдэл шүүхэд очоод байна. Энэ үйлдэл нь үндсэндээ 3 тэрбум ам.доллар буюу 10 их наяд төгрөгийн үнийн дүн бүхий улсын өмч, байгалийн баялгийг хэдэн нөхдүүд Ерөнхий сайдтайгаа, сайд нартай нь, банк санхүү, хуулийнхныг оролцуулаад авчихсан асуудал шүү. Үндэстэн дамначихсан. Хүн ойлгохооргүй санхүүгийн схемтэй. Монголбанк, цэцийн гишүүд нь татан оролцчихсон асуудал" хэмээлээ.