Нийслэлийн 2023 оны төсвийн тодотголийг НИТХ-аар хэлэлцэж байна. Энэ үеэр Хотын дарга Эдийн засаг, дэд бүтэц хариуцсан орлогч П.Сайнзориг нийтийн тээврийн салбар дахь нөхцөл байдлыг танилцууллаа. Тэрбээр,
"Нийтийн тээврээс энэ он дуусахад 465 автобус хасагдахаар байна. Тиймээс яаралтай тендер зохион байгуулж, автобусаа авах шаардлагатай. Мөн Автобусны чиглэл төлөвлөлтөд тодорхой хэмжээний алдаа, ашиг сонирхол байна гэж харж байгаа. Хотын төвийн түгжрэлд нэг талдаа гардаг байдлыг өөрчилнө" гэв.
