Зургийн эх сурвалж: Evening Standard
Түлхүүр мэдээлэл:
- 2021 оны сүүлчээр 2 жуулчинг Олон Улсын Сансрын Станц руу аялуулна.
- Аялах хоёр хүний нэрийг дараа жилийн эхэн гэхэд зарлана.
ОХУ-ын сансрын агентлаг Роскосмос 2021 оны сүүлчээр 2 жуулчинг Олон Улсын Сансрын Станц руу аялуулна хэмээн мэдэгдлээ. Тус 2 хүний нэрийг 2021 оны эхэн сард зарлах юм.
“Сансрын аялал жуулчлалын тал дээр мэргэшсэн АНУ-ын Space Adventures компанитай хамтран байгуулсан гэрээний дагуу 2 хүнийг сансрын аялалд гаргана. Энэхүү аялал 2021 оны сүүлчээр товлогдоно.”, “Мөн жуулчид хөөргөх талаар Америкийн хэд, хэдэн компанитай ярилцаж байгаа” хэмээн Роскосмос мэдээлжээ.
Роскосмос болон Space Adventures гэх 2 компани 2022 оноос өмнө хамтран Олон Улсын Сансрын Станц руу хүн аялуулна хэмээн 2019 онд гэрээ байгуулсны дагуу уг аялал хийгдэхээр төлөвлөгдөж байгаа аж.
Дэвсгэр мэдээлэл:
Роскосмос болон Space Adventures-ийн хамтарсан анхны хөөргөлт 2001 онд Денис Тито гэх хүнийг аялуулж байжээ. Ингэснээр нийт 7 хүнийг гэрээний дагуу сансрын аялалд гаргаж байсан аж. Хамгийн сүүлд 2015 оны есдүгээр сард сансрын аялалыг зохион байгуулсан юм.
Роскосмос болон Space Adventures-ийн хамтарсан анхны хөөргөлт 2001 онд Денис Тито гэх хүнийг аялуулж байжээ. Ингэснээр нийт 7 хүнийг гэрээний дагуу сансрын аялалд гаргаж байсан аж. Хамгийн сүүлд 2015 оны есдүгээр сард сансрын аялалыг зохион байгуулсан юм.
Эх сурвалж: TASS
