Өнгөрөгч 10-р сард цэрэгт татагдсан алба хаагч өчигдөр өглөө амь насаа алдсан харамсалтай хэрэг гарсан. Тэгвэл үүнтэй холбогдуулан Зэвсэгт Хүчний Жанжин Штабаас мэдээлэл өгсөн бөгөөд алба хаагчдын ар гэр хүүхдүүдтэйгээ уулзацгаасан юм.

Тэгвэл энэ үеэр Зэвсэгт хүчний жанжин штабын хэвлэлийн төлөөлөгч Б.Отгонбаяр дараах мэдээллийг өгөв. Тэрбээр,

"Алба хаагчдыг эмнэлгийн үзлэгт хамруулна. 11:00 цагт Цэргийн төв эмнэлэгт аваачин үзүүлнэ. Миний хүүхэд ч өнөөдөр цэргийн алба хааж байгаа. Мөн эцэг эхчүүд хүүхдүүдийг хүчээр авч ирсэн гэж байгаа. Ийм зүйл байхгүй. Бүх залуус цэргийн албанд татагдах үүрэгтэй байдаг. Харин хэд хэдэн заалтаар тухайн жилдээ чөлөөлөгддөг.

Казарм дотор ямар ч дэглэлт байхгүй" хэмээв.