УИХ-ын чуулганы Баасан гарагийн нэгдсэн хуралдаан үргэлжилж байна. Хуралдаанаар Засгийн газраас яаралтай горимоор өргөн барьсан Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцэх эсэх асуудлыг хэлэлцэж байна.

Энэ үеэр Хотын дарга Х.Ганхуяг "Улаанбаатар хотод байгаа бүх яндангаа тоолох хэрэгтэй. Яндан буурсан хэмжээгээр эрчим хүчний хэмнэлттэй байруудыг санхүүжүүлэх урт хугацааны санхүүжилтийг олон улсын зах зээл дээрээс босгох боломжтой" гэлээ.