Боловсрол, соёл, шинжлэх ухаан, спортын байнгын хорооны өнөөдрийн хуралдаанаар УИХ-ын гишүүн Ч.Ундрам "Боловсролын сайд боловсролтой байх хэрэгтэй. УИХ-ын гишүүний өөдөөс хэрүүл хийгээд, бойкотлоод байдаг Засгийн газрын гишүүнтэй байж болохгүй. Сэлэнгийн ард түмнээс уучлалт гуйх хэрэгтэй" хэмээлээ.

Учир нь БШУ-ны сайд Л.Энх-Амгалан өчигдөр УИХ-ын гишүүн Ч.Ундрамыг "Ч.Ундрамаа чи ийм өлөн байж болохгүй. Тойргийнхоо эрх ашгийг харж амиа бодсон санал гаргалаа. Чи ард түмэнд үйлчилнэ гэж УИХ-д тангараг өргөсөн болохоос Сэлэнгэ аймагт үйлчилнэ гэж тангараг өргөөгүй шүү. Энэ хүн өмнө нь Сэлэнгэ аймагт төлөвлөсөн ажлуудыг хийж хэрэгжүүлээгүй" гэсэн байдаг.