Нийслэлийн зарим дүүрэгт /2023.10.12/ өглөөнөөс эхлэн угаар үнэртэж байгаа талаар иргэд олон нийтийн сүлжээнд мэдээлсэн ч НОБГ-аас тодруулахад "Налайх дүүрэгт үйлдвэрийн газ дэлбэрсэн дуудлага ирээгүй. Өнгөрсөн шөнө гурван галын дуудлага бүртгэгдсэн" гэх тайлбарыг өгсөн байдаг. Мөн юунаас болж угаар үнэртэж байгааг тодруулахаар мэргэжлийн байгууллагууд ажиллаж байгаа гэсэн юм.

Харин УИХ-ын чуулганы үеэр УИХ-ын гишүүн С.Одонтуяа "Өнөөдөр босоод ирэхэд сошиалаар дүүрэн агаарын бохирдлын талаар иргэд асуусан байна. Гэтэл хариулах эзэн алга. Энэ улсад эзэн байна уу.... " хэмээн шүүмжиллээ.