Эдийн засагч Б.Лакшми МҮХАҮТ-ын Ерөнхийлөгчийн сонгуулиас нэрээ татлаа. Тодруулбал, дөрвөн жилд нэг удаа болдог Монголын Үндэсний Худалдаа Аж Үйлдвэрийн Танхимын XXI их хурал өнөөдөр болж буй. Тус хурлаар МҮХАҮТ шинэ Ерөнхийлөгчөө тодруулах билээ. Ерөнхийлөгчид Скайтел группийн гүйцэтгэх захирал асан Д.Болор, Коёотэ ХХК-ийн захирал Д.Бямбасайхан, Буян ХХК-ийн захирал Жаргалсайхан, "Алтан Дорнод Монгол" ХХК-ийн захирал Т.Ганболд нарын 13 хүн нэр дэвшиж буй. Нэр дэвшигчид дундаас ганц эмэгтэй нэр дэвшигч нь Эдийн засгийн бодлого, өрсөлдөх чадварын судалгааны төвийн Ерөнхий захирал, эдийн засагч Б.Лакшми байсан юм. Гэвч тэрбээр Ерөнхийлөгчийн сонгуулиас нэрээ татаж буйгаа мэдэгдлээ. Тэрбээр "Улс төржсөн, хүний найруулсан тоглоомоос гарахаар шийдлээ" гэжээ.