Улсын хэмжээнд өнгөрсөн долоо хоногт буюу есдүгээр сарын 11-17-нд нийслэлийн найман дүүрэг, 14 аймгийн 22 суманд 43 удаагийн аюулт үзэгдэл, ослын дуудлага бүртгэгджээ.

Үүнээс хүний үйл ажиллагаатай осол ес, гал түймрийн тохиолдол 32, биологийн гаралтай аюулт үзэгдэл нэг, геологийн гаралтай аюулт үзэгдэл хоёр бүртгэгдсэн байна.

Аюулт үзэгдэл, ослын улмаас зургаан хүн нас барж, дөрвөн хүн бэртэж, гэмтсэн харамсалтай байна.