Налгар намар... Монголчууд энэ улирал өвлийн бэлтгэл ажилдаа ханцуй шамлан ордог . Ямар ч үед өргөн хэрэглээний барааны үнэ өндөр байна гэх иргэдийн амны уншлага болсон үнийн хөөрлийг дардаг улирал. Хөдөө аж ахуйн бүтээгдэхүүний үйлдвэрлэл, борлуулалтын сүлжээг нэмэгдүүлэх, нийслэлийн иргэдийг шинэ ургацын төмс, хүнсний ногоогоор хангах “Алтан намар 2023” хүнсний ногооны өргөтгөсөн худалдааг зохион байгуулж байна.

Энэ талаар холбогдох албаныхан мэдээлэхдээ нийслэлийн есөн дүүргийн 31 байршилд тус үзэсгэлэнг зохион байгуулахаар төлөвлөсөн ба одоогийн байдлаар 23 байршилд үзэсгэлэн худалдааны цэг байршиж байгаа аж.

Тэгвэл бид Сүхбаатар дүүрэгт байрлах хүнсний ногооны үзэсгэлэн худалдаанаас ногооны үнэ, иргэдийн худалдан авах чадвар хэр байгаа талаар сурвалжиллаа.

"Ногооны үнэ харьцангуй ХЯМД байна"

Худалдан авагч: Энэ жилийн шинэ ургацын ногооны үнэ харьцангуй боломжийн үнэтэй байна. Яг энэ дүүрэгт амьдардаг хүний хувьд байнга энэ үзэсгэлэн худалдааны цэг дээр ирдэг" гэв.

Худалдан авагч: Би шинэ ногооны цэгээс жимс, жимсгэнэ худалдан авч байна. Айхтар үнэ нь өссөн хүнсний ногоо байхгүй байна. Би өөрөө тогооч мэргэжилтэй. Өөрсдөө төмсөө тарьж хэрэглэдэг. Гэхдээ бусад нарийн ногоогоо худалдан авдаг. Энэ жил хүнсний ногооны үнэ маш боломжийн байна" гэлээ.

Худалдан авагч: Өмнө жил өргөн хэрэглээний барааны үнэ өссөн гээд иргэд ярьж байсан. Яг хэвэндээ л байгаа байх. Би бүх төрлийн хүнсний ногоо худалдан авч байна.

Энэ жилийн хувьд зөвхөн өргөст хэмхний үнэ 1000 төгрөгөөр өссөн. Бусад ногооны үнэ хэвийн байна. Хүмүүсийн худалдан авах чадвар харьцангуй сайн байгаа бөгөөд бүх ногоогоо Барс захаас бөөний үнээр худалдан авч борлуулдаг гэдгийг Сүхбаатар дүүргийн хүнсний ногооны цэгийн худалдагч дурдсан юм.

Нийслэлийн есөн дүүргийн 23 байршлыг танилцуулж байна.

Баянгол дүүрэг

6-р хороо "Орхон" худалдааны төвийн гадна талбай

19-р хороо Таван Эрдэнэ захын урд талбай

27-р хороо Улаанбаатар төмөр зам 1000 машины зогсоол

Сонгинохайрхан дүүрэг

4-р хороо- Толгойт хөгжлийн төвийн урд

8-р хороо- Хорооны урд зам дагуу

9-р хороо- Баруунбаян уул 16-р гудамжны ар талын зам дагуу

13-р хороо- 8,9-Р байрны дундах талбай

22,23-р хороо- Орбитын тойрог

Баянзүрх дүүрэг

1-р хороо-Сансар үйлчилгээний төвийн гадна талбай

3-р хороо- " Сансар үйлчилгээний төвийн баруун талд

4-р хороо- Жуковын талбайд

8-р хороо- Тэнгэр плазагийн гадна талбай

9-р хороо- Шар хадны эцэст хүнснхий ногооны контейнер

Хан- Уул дүүрэг

1-р хороо- Шинэ Хан- Уул цэцэрлэгт хүрээлэн

2-р хороо- Ахуйн үйлчилгээний төвийн зүүн талын тоглоомын талбай

21-р хороо- Дөрвөн улирлын цэцэрлэгт хүрээлэн

Сүхбаатар дүүрэг

6-р хороо - Хүүхдийн урлан бүтээх төвийн хойно Өлзий төвийн эсрэг талд

7-р хороо- Эрхүүгийн гудамж 4-р байрны ард

12-р хороо- 32-ын тойргийн зам дагуу нийтийн эзэмшлийн талбай

16-р хороо- Бэлхийн 33-н автобусны буудал дахь хүнсний ногооны худалдаа

Чингэлтэй дүүрэг

2-р хороо-Алтжин бөмбөгөр худалдааны төвийн гадна талбай

4-р хороо Барилгачдын талбай

6-р хороо- 74-р цэцэрлэгийн урд

45-р байрны дэргэд

19-р хороо- Ар согоот "Зунжин" худалдааны төв Автобусны буудлын хажууд

24-р хороо- Зунжин бүс

Багануур

1-р хороо- Эрүүл мэндийн төвийн урд талбай, Д.Нацагдоржийн талбай

НАЛАЙХ

2-р хороо- Соёл урлагийн ордны өмнөх талбай

Багахангай

1-р хороо- Дүүргийн ЗДТГ-ын газрын байрны зүүн талбайд тус тус байрлаж байна.