Цагдаагийн байгууллагад энэ сарын 10-ны 01.00 цагийн үед "Хутгалуулсан хүн ухаан алдаад унасан байна" гэх дуудлага мэдээлэл бүртгэгджээ. Дуудлага мэдээллийг шалгахад 38 настай эрэгтэй Э-г 36 настай И нь согтуурсан үедээ маргаан үүсгэж улмаар цээжин тус газар нь хутгалж амь насыг нь хохироосон хэрэг гарчээ. Иймд иргэд та бүхэн согтууруулах ундааны зүйлийг хэтрүүлэн хэрэглэхгүй байх, оройн цагаар гэрэлтүүлэггүй гудамж талбайгаар зорчихдоо аюулгүй байдлаа хангаж гэмт хэргээс урьдчилан сэргийлэхийг цагдаагийн байгууллагаас зөвлөлөө.