ЭМЯ, ХӨСҮТ-ээс коронавирусний халдварын тархалттай холбоотой ээлжит мэдээллээ хийлээ. Энэ үеэр ХӨСҮТ-ийн ерөнхий захирал COVID-19 халдварыг илрүүлэх шинжилгээний хариунуудыг танилцуулав.
Д.Нямхүү "Долдугаар сарын 10-ны өдөр нийт 681 хүнд шинжилгээ хийхэд бүгд сөрөг гарлаа. Тодруулбал, долдугаар сарын 10-ны өдөр Истанбул-Улаанбаатар чиглэлийн тусгай үүргийн нислэгээр ирж ХӨСҮТ-д тусгаарлагдсан 13, ажиглах байранд тусгаарлагдаж буй 262 хүний шинжилгээнд халдвар илрээгүй.
Өнөөдөр ХӨСҮТ-ээс дахин гурван хүн эдгэрч, дараагийн шатны ажиглалтад шилжлээ.
Монгол Улсад бүртгэгдсэн коронавирусний 227 тохиолдлын 200 нь эмчлэгдэж, эмнэлгээс гараад байна. Одоогийн байдлаар ХӨСҮТ-д 27 хүн эмчлэгдэж байгаагийн 24 нь биеийн байдал хөнгөн, гурван хүний биеийн байдал хүндэвтэр байна" гэв.
