Багануур дүүргийн гуравдугаар хороо уурхайн дөрвөн замын урд хэсэгт байрлах 2 эгнээ асфальтан замын дээгүүр хөндлөн байрлуулсан нийтийн эзэмшлийн дулааны шугамыг 2023 оны долоодугаар сарын 10-ны өдөр хүнд даацын тээврийн хэрэгсэл жолоодон явсан “А” нь мөргөсөн осол бүртгэгдсэн байна.

"Дээрх иргэн нь тээврийн хэрэгслийн тэвшийг буулгалгүй замын хөдөлгөөнд оролцож явсан байна. Энэ үйлдэл нь Эрүүгийн хуулийн тусгай ангийн 17.8 зүйлийн 2 хэсэгт зааснаар гомдол, мэдээллийн бүртгэлд аван шалгаж байна" гэж цагдаагийн байгууллагаас мэдээллээ.