Нийслэлийн авто замын засвар үйлчилгээний ажил хуваарийн дагуу хэвийн үргэлжилж байна. Тодруулбал, өнөөдөр Хан-Уул дүүргийн 19 дүгээр хороо, Б.Шаравын гудамж буюу Улаанбаатар сувилал орчмын авто замын хөдөлгөөнийг хязгаарлаж, засварын ажил гүйцэтгэхээр төлөвлөөд байгаа юм.
Зам засварын ажлыг өнөөдөр үдшийн 22:00 цагаас 26-ны 06:00 цаг хүртэл авто замын зорчих хэсгийг түр хааж, асфальт бетон хучилт хийх юм байна.