Улсын Онцгой комиссын шийдвэрээр өчигдөр Алтанбулаг боомтоор ОХУ-аас 143 иргэнийг татан авч тусгаарлажээ.

Энэ талаар Сүхбаатар боомтын Хилийн мэргэжлийн хяналтын албанаас "20:40 цагийн байдлаар Улсын Онцгой комиссын шийдвэрээр ОХУ-аас иргэдээ татан авах ажиллагаанд Сүхбаатар боомт дахь Хилийн мэргэжлийн хяналтын алба өндөржүүлсэн бэлэн байдалд ажиллаж зорчигчдын биеийн халууныг хэмжин, “Эрүүл мэндийн мэдүүлэг”-ийн хуудсаар асуумж авч, тээврийн хэрэгсэл, гар тээшинд халдваргүйжүүлэлт хийн ажиллалаа. 

7 сарын 05-ны өдөр 7 зорчигчийг сэжигтэй тохиолдлоор, 136 зорчигчийг ажиглалтад нийт 143 иргэнийг тусгаарлахаар холбогдох газруудад шилжүүлсэн" хэмээн мэдээлэв.