Эрүүл мэндийн яамнаас Ковид-19 халдварын талаар мэдээлэл хийлээ.

ХӨСҮТ-ийн захирал Д.Нямхүү: 2020 оны зургаан сарын 30-нд ХӨСҮТ-ийн вирус судлалын хоёр, Дархан-Уул аймгийн нэг лабораторид нийт 406 хүний сорьцонд шинжилгээ хийхэд бүгдэнд нь халдвар илрээгүй. Ажиглах байранд тусгаарлалтанд байгаа 378 хүний давтан шинжилгээг хийсэн. Ковид-19 халдвар илрээгүй. Мөн ХӨСҮТ-д сэжигтэй гэж үзэн тусгаарласан хоёр хүний давтан шинжилгээнээс халдвар илрээгүй.

Өнөөдөр бидэнд сайн мэдээ байна. Нэг хүн эдгэрч, дараагийн шатны ажиглалтанд орлоо. Мөн өнөөдөр ХӨСҮТ-өөс эмчлэгдээд дараагийн ажиглалтанд шилжээд байсан жирэмсэн эмэгтэй төрж, охинтой боллоо.

Нийт Монгол улсын хэмжээнд халдварын батлагдсан тохиолдол 220, үүнээс 176 хүн эдгэрч, 44 хүн эмчилгээнд байна.