БЗС-гаас олгосон зээл, чөлөөлөлт, эргэн төлөлттэй холбоотой асуудал олон нийтийн анхаарлын төвд буй. Ингэхдээ БЗС-гийн 1997-оос хойшхи зээлийн бүх дүнг нэгтгэж зарлаад буй юм. Тэгвэл Гадаад харилцааны дэд сайд асан Батсүмбэрийн Мөнхжин нь Английн Оксфордын их сургуульд дипломат судлал мэргэжлээр суралцахдаа тухайн үеийн сургалтын төрийн сан буюу БЗС-гаас 16 мянган ам.долларын зээл авч байжээ. Энэ дүнг одоогийн ханшаар тооцож үзвэл тэрбээр 55 гаруй сая төгрөгийн зээл авч гадаадад суралцсан гэсэн үг. Харин түүний зээлийг 2013 оны БШУ-ны сайдын тушаалаар гэрээний үүргээ биелүүлсэн хэмээн чөлөөлжээ.