Хөдөлмөр эрхлэлтийг дэмжих сангаас нийт 25 тэрбум 840 сая төгрөгийн зээл олгосон байдаг бөгөөд үүнээс ердөө 8 тэрбум төгрөг нь эргэн төлөгджээ. Одоогоор зээлийн эргэн төлөлтийн нийт үлдэгдэл 17 тэрбум 128 сая төгрөг байна. Тус зээлүүдээс 15 ААН-д олгосон зээл хэвийн бус ангилалтай буюу зээлийн эргэн төлөлт асуудалтай байна.

-Хөдөлмөр эрхлэлтийг дэмжих сан дампуурсан хоёр банкнаас 2.1 тэрбум төгрөгөө авч чадах уу-

Хөдөлмөр эрхлэлтийг дэмжих сангийн мөнгөн хөрөнгөөс Анод банканд 800 сая төгрөг, Капитал банканд 7 тэрбум төгрөг нь чөлөөт үлдэгдэл хэлбэрээр байршиж байсан байдаг. Гэвч тус хоёр банк хоёул дампуурсан гэдгийг та бид мэднэ. Анод банкны хувьд 800 сая төгрөгөөс нэг ч төгрөгийн эргэн төлөлтгүй явж байгаа бол Капитал банк 7 тэрбум төгрөгөөс 1.3 тэрбум төгрөгийн зээлийн үлдэгдэлтэй байна.

-"Дэлгэр экспресс" ББСБ 47 сая төгрөгийн зээл авсан боловч нэг ч төгрөгийн зээлийн эргэн төлөлт хийгээгүй-

Хөдөлмөр эрхлэлтийг дэмжих сангийн жижиг зээлийн эх үүсвэрийг бий болгох зориулалтаар "Дэлгэр экспресс" банк бус санхүүгийн байгууллагад 2010 онд 47 сая 500 мянган төгрөгийг олгожээ. Гэвч өнгөрсөн хугацаанд нэг ч төгрөг эргэн төлөөгүй тул зээл нь хэвийн бус ангилалтай байна.

-Төрийн яам нь сурагчдын дүрэмт хувцсыг үндэсний үйлдвэрүүдээр үйлдвэрлүүлнэ хэмээн 17 тэрбумын зээл аваад 14 тэрбумыг нь ТӨЛӨӨГҮЙ-

Сурагчдын дүрэмт хувцсыг үндэсний үйлдвэрүүдээр үйлдвэрлүүлэх төслийн зориулалтаар 2010 онд Үйлдвэр хөдөө аж ахуйн яам 17 тэрбум төгрөгийн зээл авчээ. Гэвч өнгөрсөн хугацаанд зээлийн дүнгээс ердөө 2 тэрбум 552 сая төгрөгийн эргэн төлөлт хийсэн байна. Өөрөөр хэлбэл, 14 тэрбум 447 сая төгрөг эргэн төлөлтгүй байна.

-Дараах зургаан компани "Орон нутгийн онцлогт тохирсон төсөл хөтөлбөр" хэрэгжүүлнэ хэмээн нийт 867 сая төгрөгийн зээл авсан хэдий ч 463 сая төгрөг нь эргэн төлөгдөөгүй байна-

-Дараах таван компани "Хөгжлийн бэрхшээлтэй иргэдийн хөдөлмөр эрхлэлтийг дэмжих" зориулалтаар 125 сая төгрөг төгрөгийн зээл авсан хэдий ч 68 сая төгрөг нь эргэн төлөгдөөгүй байна-