Шороон шуурганы улмаас автомашинд тань ямар нэгэн хохирол учирсан бол түүнд нөхөн төлбөр авах боломжтой байдаг талаар БОАЖЯ-наас мэдээллээ. Тодруулбал, шороон шуурга нь олон цагаар, хүчтэй шуурах нь авто машины агаар шүүгчийг бөглөх зэрэг олон аюулыг дагуулах боловч хамгийн аюултай нь таны машины шил болон будгийг зүлгээд тавьсан юм шиг л болгох нь бий. Тэгвэл дээрх гэмтэл учирсан бол цаг уурын байгууллагаас тодорхойлолт авч даатгалын байгууллагад хандан хохирлоо барагдуулж болно.