УИХ-ын 2020 оны ээлжит сонгуулийг ОХУ-ын "Монголия Сегодня", БНСУ-ын "Breaking news Korea", Катарын "Al Jazeera", БНХАУ-ын "Xinhua" зэрэг нэр бүхий мэдээллийн байгууллагууд дамжуулан хүргэсэн байна. Мөн АНУ, Австрали, Япон, Англи, Энэтхэг зэрэг улсаас төлөөлөгчид бүртгүүлж, ажиглалт хийжээ. Санал авах байруудад нам эвсэл, бие даагч нарын томилсон 3 мянга гаруй ажиглагч хэсгийн хороонд ажилласан дүн мэдээ байна. Харин манай улсын дотоодын хэвлэл мэдээллийн байгууллагын 300 гаруй сэтгүүлч сурвалжилжээ.