Эрүүл мэндийн яамнаас коронавирусний халдварын нөхцөл байдал, тархалтын талаарх ээлжит мэдээллээ хийлээ. 

Энэ үеэр ХӨСҮТ-ийн захирал Д.Нямхүү шинжилгээний хариуг танилцуулав.

Тэрбээр "2020 оны зургадугаар сарын 25-ны өдөр хийсэн 171 хүнд хийснээс гуравт нь халдвар илрэв. Зургадугаар сарын 25-ны өдөр ОХУ-аас ирсэн 23-25 насны хоёр эрэгтэй, нэг эмэгтэй оюутнууд юм.

Ажиглах байранд тусгаарлагдаж буй 19 хүний давтан шинжилгээнд халдвар илрээгүй. Тандалтын зорилгоор хийсэн СХД-ийн Нэгдсэн эмнэлэгт хэвтэн эмчлүүлж буй гурван хүний шинжилгээнд халдвар илрээгүй. 

ХӨСҮТ-д тусгаарлагдан ажиглалтад буй 8 хүний шинжилгээнд халдвар илрээгүй. Мөн Алтанбулагийн боомтоор орж ирсэн ачаа тээврийн 26 жолоочид халдвар илрээгүй. 

Өнөөдөр ХӨСҮТ-ээс нэг хүн эдгэрч, дараагийн шатны тусгаарлалтад шилжиж байна. Энэ нь 19 настай, ОХУ-аас ирсэн Цэргийн сургуулийн оюутан юм. Нийт 43 хоногийн хугацаанд эмчлэгдээд, дараагийн шатны сувилал руу шилжиж байна.

Өнөөдрийн байдлаар 219 тохиолдол бүртгэгдсэний 170-ийг эмчлэн эдгээгээд байна. Үлдсэн 49 өвчтөн ХӨСҮТ-д эмчлүүлж байна. Биеийн байдлыг үнэлбэл, 42 нь хөнгөн, 7 нь хүндэвтэр байна. 

Өнөөдөр Улаанбаатар хотод ирсэн Цэргийн 75 алба хаагчийг Бага баян амралтад тусгаарлаж байна. Эдгээр хүмүүсээс сорьц цуглуулах ажил үргэлжилж байна. Маргааш шинжилгээний хариуг танилцуулна" гэв.