Төрийн ордны дэргэдэх явган хүний замыг байхгүй болгож, бетон цутгаж хашаалж байгаа гэх мэдээлэл олон нийтийн цахим сүлжээнд цацагдсан. Үүнтэй холбоотойгоор Засгийн Газрын Хэвлэл, Мэдээлэл, Олон нийттэй Харилцах Газрын дарга Т.Ганзул өөрийн албан ёсны цахим хуудсаараа дамжуулан тайлбар өгчээ.

Тэрбээр "Эвдэрсэн хашааг засах зориулалтаар 4 сарын 5 хүртэл хаасан. Зам гаргаагүй хаасан шалтгаан нь том оврын машин газар шорооны ажил хийхтэй холбоотой байсан бөгөөд өнөөдөр энэ ажил орой гэхэд дуусч явган хүний зам гаргахаар ажиллаж байна" гэжээ.