Гачуурт ХХК-ийн захирал Л.Чинбатын тэргүүлсэн Үндэсний Бөхийн Холбоо мэдэгдэл гаргаж, Үндэсний их баяр наадам зохион байгуулах хороонд албан ёсны шаардлага хүргүүлсэн юм. Тус шаардлагад “Үндэсний их баяр наадмаар авсан сэргээшийн шинжилгээний хариуг Баяр наадмыг зохион байгуулах хороонд хүргүүлсэн болно. Үндэсний их баяр наадмын хуулийн дагуу зохион байгуулах хороо зарлана” гэжээ. Улмаар уг шаардлагадаа шинэ аварга Э.Оюунболдыг допинг хэрэглэсэн хэмээн мэдэгдэж, олон нийтээс уучлал гуйхыг шаардсан билээ. 

Уг хэрэгтэй холбоотой Монгол Улсын залуу аваргаар нэрлэгдэж байсан Э.Оюунболдын нэхэмжлэлтэй захиргааны хэргийн шүүх хурал өчигдөр болж түүний нэхэмжлэлийг хэрэгсэхгүй болгож шийдвэрлэлээ.