ЦХХХ-ны сайд Н.Учрал "Шилэн" ажиллагааны талаар мэдээлэл хийлээ. Энэ үеэр тэрбээр "Өнгөрсөн долоо хоногт 9 байгууллагын 3450 тусгай зөвшөөрлийг нээлттэй байршуулсан бол өнөөдрийн байдлаар 18 байгууллагын 13586 тусгай зөвшөөрлийн мэдээлэл нээлттэй болсон байна. Улсын хэмжээнд 36 тусгай хамгаалалттай газар байдгаас 17-т нь газар олголт хийсэн байдаг. Эхний ээлжинд Богдхан уулын дархан цаазат газрын 2973 га болон Хөвсгөлийн байгалийн цогцолбор 501 га газрын мэдээллийг ил тод болгож байна. Тусгай хамгаалалттай газар нутгийг эзэмшиж байгаа эзэмшигч нарын мэдэллийг ил болгох нь эзэмшигч нарын үүрэг. Эзэмшиж байгаа нь хууль бус биш. Харин нээлттэй болгох үүргийг гүйцэтгэж байгаа" гэв.