Энэ мэдээ хуучирсан буюу 2023/04/03-нд нийтлэгдсэн мэдээ болно.

Зүүний сүвэгч дотор урласан бяцхан урлагийн бүтээлийн үзэсгэлэн нээгджээ

Ангилал
Дэлхий дахинд
Огноо
Унших
1 минут 19 секунд

Зүүний сүвэгч дотор урласан бяцхан урлагийн бүтээлүүдийн үзэсгэлэн Их Британид нээгджээ. Уран барималч Виллард Виганы 20 бүтээлийг дэлгэсэн уг үзэсгэлэн ирэх аравдугаар сар хүртэл үргэлжлэх юм байна. Зөвхөн микроскопоор л харах боломжтой уг бүтээлүүд дунд Уильям Шекспир, Альберт Эйнштейн, Пиноккио, Робин Гуд, "Сувдан ээмэгтэй охин" уран зураг зэрэг багтжээ.

Уран бүтээлч эдгээрийг хийхдээ хурц үзүүртэй зүү, шил зүсэгч чулууны бяцхан хэлтэрхий зэргийг ашигласан гэнэ. Хэлбэр дүрсээ гаргасны дараа сормуус ашиглан бүтээлээ буддаг аж. Ингэхдээ зүрхний цохилтоо хүртэл хянах хэрэгтэй болдог. Яагаад гэвэл бүтээл маш жижигхэн учир зүрхний цохилтоос хамаараад гар чичирч, далий муруй болох тохиолдол байдаг аж.

Түүний анхны бүтээл 2013 онд олны хүртээл болсон бөгөөд энэ нь 24 каратын алтан хийцтэй мотоцикл байжээ. Хивсэнцэрийн утсаар урласан, 0.07822 мм урттай, 0.05388 өргөнтэй хүний үр хөврөлийг 2017 онд урласан нь Геннисийн амжилт тогтоосон байдаг.

ШУУД: “Тариалангийн сэргэлт“ Үндэсний чуулга болж байна
ШУУД: “Тариалангийн сэргэлт“ Үндэсний чуулга болж байна
 
Дархан хотоо төлөөлсөн “ДАРХАН“ баг олон жилийн дараа “Алтан цом” өргөлөө
Дархан хотоо төлөөлсөн “ДАРХАН“ баг олон жилийн дараа “Алтан цом” өргөлөө
Энэ мэдээ хуучирсан буюу 2023/04/03-нд нийтлэгдсэн мэдээ болно.