Өнгөрсөн долоо хоногт Боловсролын зээлийн сангаас зээл авч суралцсан хүмүүсийн нэрсийг БШУ-ны сайд Л.Энх-Амгалан нийтэд ил болгосон. Тодруулбал, тус зээлээр УИХ-ын гишүүдийн гэр бүл, хамаатан садан, эрх мэдэлтэй хүмүүсийн ойр дотны хүмүүс зээл авч суралцсан нь ил болсон юм.

Тэдний дотор УИХ-ын гишүүн Д.Ганбат багтсан бөгөөд түүнийг Лийдсийн их сургуульд улс төрийн эдийн засаг мэргэжлээр хоёр жил сурсан гэх мэдээлэл цацагдсан юм.

Тэгвэл уг асуудалд УИХ-ын гишүүн Д.Ганбат "Боловсролын зээлийн сангаас зээл авч гадаад сураагүй. Харин эрх мэдэлтэй, төрийн өндөр албан тушаал хашиж байсан хүний хүүхдүүд сурсан байна лээ. Тиймээс ард иргэд сэтгүүлчидтэй нэгдэн эрх баригчдыг булхайг дэлгэхэд анхаарна" хэмээлээ.