О.Осоржамаа гэх залуу олны танил эрхмүүдээс ч илүү Монголчуудын дунд танигдаад байгаа билээ. Тэрээр фейсбүүк хуудсаараа дамжуулан лайв хийх бүрт 20-30 мянган хүн үздэг. Нэг удаагийн бичлэгийн хандалт хагас саяд хүрээд байгаа юм. Тэгвэл яагаад хүмүүс мянга мянгаараа Осоржамааг үздэг вэ? гэсэн асуултанд сэтгэл судлаачид хүмүүсийн ухамсар болон сэтгэлзүйн талаас нь хариулжээ.

Cэтгэл засалч эмч Д.Эрдэнэбаатар: Анхдагч инстект буюу зөн билэг дээр тоглолт хийдэг хүн. Маш энгийн, чөлөөтэй. Хүмүүс Осоржамаагаас ямар нэг эрх чөлөөг мэдэрдэг байх. Хүсэн хүлээдэг зүйлээ бичлэгнээс хардаг. Хүнээс ичихгүй, өөрийн мэдэлгүй ийм болохсон, ийм байхсан гэдэг далд хүсэл хүмүүст байдаг. Хүмүүсийн ихэнх нь багтай байдаг. Гэтэл энэ хүнд баг байдаггүй. Хүмүүс дотроо баггүй, өөрийнхөөрөө байхыг хүсээд байдаг боловч нийгмийн шаардлагын дагуу тэгж чаддаггүй. Тэр хэрэгцээг нь ч Осоржамаа хангадаг.

Сэтгэл судлалын үндэсний төвийн гүйцэтгэх захирал, сэтгэл судлаач Б.Ууганцэцэг: Осоржамаад ямар ч хязгаар байхгүй болохоор тэр нь хүмүүст сонирхолтой байгаа юм. Тийм юм чинь  хүмүүст маш үнэн санагддаг. Тэр хүүхдийн илүү чөлөөтэй байгаа байдал сонирхолтой санагдаад, хүн чинь ийм байж болдог юм байна, ийм чөлөөтэй байдаг юм байна гэдэг тийм мэдрэмжээ л лайвнаас нь олж аваад байгаа юм.

- Аюулын аятайхан байна шүү дээ. Нүүр амаа будаагүй ийм л байх хэрэгтэй. Таалагдаж байна. 

- Би лав бусад оддын лайвыг 10к хүргэж байсныг хараагүй шүү. Бүх хүмүүс чамайг мэддэг бас дургүй юм шиг хэрнээ дуртай шүү. Амжилт

- Осороо чамайг л харж баясах юм даа. Чи шүү 

- Өөрийнхөөрөө амьдралыг болгох гэж яваа залуу. Би хувьдаа чиний лайвыг үзэх дуртай шүү. 

- Зөв явж, сайн сайхан амьдарч чамайг шүүмжлээд байгаа хүмүүст хэн бэ гэдгээ харуулаарай. Буруу замаар будаа тээхгүй бол чамайг дэмжих хүмүүс их байгаа шүү. 

- Бид адилхан хүн шүү дээ. Ямар ч байж болно бусдыг доог тохуу хийлгүй өөр өөрийнхөөрөө л амьдрах хэрэгтэй.