Энэ сарын 8-ны өдөр гурван настай хүү хойд эцэгтээ зодуулж, эмнэлэгт хүргэгдэн ирсэн хэрэг гарсан. Одоогоор хүүг зодсон Э-г цагдан хориод байгаа юм. Тэгвэл зодуулсан гурван настай хүүг гадаад улсад эмчлүүлэх шаардлагатай болж, түүний ар гэр хандив хүсэхээр болжээ. Энэ талаар хохирогч хүүгийн аав "Хүүхдүүдтэйгээ уулзья гэхэд би өөр хүнтэй сууж байгаа, уулзуулахгүй гэдэг байсан. Хүн хоёр дахь амьдралаа зохиох гэж байхад нь садаа болоод яах вэ гэж бодоод ядаж утсаар ярьдаг байсан. Хүүгийн ээжтэй холбоогүй байгаа. 48 цаг хоригдоод гарсан гэсэн сураг дуулдсан. Хүүгийн бие ямар байна гэж холбогдоогүй" гэв.
