Завхан аймгийн Эрдэнэхайрхан сумын Багануур баг, “Шийрийн баруун-Өвдөг” гэдэг газар /аймгийн төвөөс баруун зүгт 125 км, сумын төвөөс баруун зүгт 20 км/-т Малчин Б, өчигдөр /2023.03.20/-ны өдрийн 21:00 цагийн орчим малаа хотлуулах гэж гараад сураггүй болсон байна.

Энэ тухай дуудлага мэдээлэл гуравдугаар сарын 21-ний өдрийн 00:08 цагт ОБГ-т ирсэн бөгөөд тус сумын Засаг даргын Тамгын газрын ажилтнууд очиж, иргэн Б /27 настай, эрэгтэй/-г эрэн хайх ажиллагааг зохион байгуулж, 01:45 цагт гэрээс нь баруунд зүгт 7 км-т “Шийрийн баруун Дөрөлж” гэдэг газраас эсэн мэнд олж, ар гэрт нь хүлээлгэн өгсөн байна.