Баянхонгор аймгийн Жаргалант суманд сураггүй алга болсон 16 настай хөгжлийн бэрхшээлтэй охиныг эрэн хайж байна. Тодруулбал, аймгийн онцгой байдлын хэлтэст "Тус сумын 2 дугаар багийн “Нуурын-Өргөн мод” гэдэг газар иргэн Б 03.15-ны өдрийн 18:30 цагийн орчим малчин Б-ны гэрээс явганаар гараад сураггүй болсон" тухай дуудлага ирсэн байна.

Тус аймгийн Онцгой байдлын газрын Жаргалант сум дахь Эрэн хайх, аврах бүлгийн алба хаагчид тус сумын Цагдаагийн тасгийн дарга, цагдаагийн ахмад А-аар ахлуулсан алба хаагчид, мэргэжлийн ангийн 2 ажилтан, ар гэрийн 5 иргэн, нийт 12 хүн иргэн Б эрэн хайх ажиллагааг өчигдөр шөнийн 00.30 цагаас эхлүүлсэн байна.