Хөгжлийн банкны зээлийн асуудлаарх сонсгол гурав дахь өдрөө үргэлжилж байна. Яг одоо Ноолуур төслийн хүрээнд арилжааны банкуудаар дамжуулан олгосон зээлийг хэлэлцэж байгаа юм. Тухайлбал, Говь ХХК нь ноолуурын үйлдвэрийн тоног төхөөрөмжийн шинэчлэл төслийн хүрээнд 31.2 тэрбум төгрөгийн зээл авсан. Тус компанийн эцсийн өмчлөгч нь "Таванбогд Трейд" группийн үүсгэн байгуулагч Ц.Баатарсайхан болон Савада Хидео нар юм.

Ингэхдээ дамжуулан олгосон зээлийн нийт санхүүжилтээс 17.6 тэрбум төгрөгөөр "Таванбогд Трейд" ХХК болон Таванбогд фүүдс ХХК-ийн зээлийн өрийн төлбөрийг төлсөн байна. Мөн 2015 онд 8 тэрбум төгрөгийн санхүүжилт авсан боловч хадгаламжийн дансандаа байршуулж байжээ. Иймээс зээлийн санхүүжилтийг зөрчсөн гэж шинжээч дүгнэсэн юм.