Энэ мэдээ хуучирсан буюу 2023/02/01-нд нийтлэгдсэн мэдээ болно.

“Херо” энтертайнмент групп Германы уран бүтээлчидтэй хамтран “АЗИ ТИВ” баримт киног бүтээлцжээ

Ангилал
Нийгэм
Огноо
Унших
1 минут 45 секунд

“Hero” энтертайнмент грүпп 2022 онд ХБНГУ-ын “Story House Productions” компани болон бусад оролцогчтой хамтран дэлхий дээрх хамгийн том тив болох Ази тивийн тухай баримтат кино хийхэд оролцжээ. Зүүн хойд Сибирээс баруун өмнөд зүгт байрлах Суэцийн суваг хүртэлх нийт зургаан цагийн зөрүүтэй бүсэд сунаж тогтсон газар нутагт орших Ази тивийн улс орнуудын түүх соёл, тэдгээрийн ахуй амьдрал, хөгжил дэвшил зэргийг багтаасан энэхүү кино 43 минут үргэлжилнэ.

“АЗИ ТИВ” хэмээх баримтат кинонд Саудын араб, Япон, Хятад, Монгол, Вьетнам, Тайвань зэрэг улс орны тухай өгүүлэх бөгөөд Шанхай, Гуанжоу, Хонконг, Бангкок, Токио зэрэг томоохон хотын цаг наргүй амьдралын хэв маяг, хөгжлийн түүхийг өгүүлнэ. Мөн цагаан будаа тариалагч бүсгүйчүүд, Сибирийн дорнод хэсэгт орших Мирный хот дахь дэлхийд хэмжээгээрээ хоёрдугаарт ордог “хаягдсан” алмазны үйлдвэр, талын Монголын малчин өрхийн аж амьдрал, нүүдэлчдийн ахуй соёл зэрэг олон янзын өнгө төрхийг харуулсан, сонирхолтой баримтуудаар дүүрэн бүтээл болжээ.

Түүнчлэн Төвдийн өндөрлөг Химилайн нуруу, Евро азийн хамгийн урт гол Янзцы, Энэтхэг, Бангладешаар дамжин урссаар Бенгалын буланд цутгадаг Ганга мөрөн, Энэтхэг-Хятыдн хойгин хамгийн том мөрөн Меконг зэрэг Азидаа төдийгүй дэлхийд дээгүүрт эрэмбэлэгддэг байгалийн үзэсгэлэнт газруудыг харуулсан байна.

Гал түймэр, угаараас сэргийлэх хоёр сарын аяныг эхлүүллээ
Гал түймэр, угаараас сэргийлэх хоёр сарын аяныг эхлүүллээ
 
Нийслэлийн 2024 оны төсвийн нийт орлогыг 1 тэрбум 122 сая төгрөг байхаар тодотгон баталлаа
Нийслэлийн 2024 оны төсвийн нийт орлогыг 1 тэрбум 122 сая төгрөг байхаар тодотгон баталлаа
Энэ мэдээ хуучирсан буюу 2023/02/01-нд нийтлэгдсэн мэдээ болно.