“Нүүрсний” гэх хэрэгт холбогдон, АТГ-т яллагдагчаар татагдан шалгагдаж буй Ерөнхийлөгч асан Х.Баттулга өчигдөр өглөө БНСУ руу ниссэн талаар албаны эх сурвалж мэдээллээ.

Тэрбээр өнгөрсөн оны 12 дугаар сард АТГ-т нүүрсний хэргээр шалгагдаж улмаар яллагдагчаар татагдсан хугацаандаа хувийн баталгаа гаргуулан /2022.12.18/-ны өдөр мөн БНСУ руу эмчилгээ хийлгэхээр явсан байдаг. Харин 01 дүгээр сарын 14-ний өдөр Монгол Улсад ирсэн юм.

Эх сурвалжуудын мэдээлж буйгаар давтан эмчилгээнд орох шаардлагатай гэсэн тайлбартайгаар дахин хувийн баталгаа гаргуулан явсан байх магадлалтай юм байна.