Засгийн газрын өнөөдрийн хуралдаанаар 18 агентлагийн даргыг үүрэгт ажлаас нь чөлөөлсөн. Тодруулбал, Ковидын хууль өнгөрсөн оны арванхоёрдугаар сарын 31-нд дуусгавар болсон. Үүнтэй холбогдуулан ковидын хуулиар томилогдоод байсан агентлагийн дарга нарыг чөлөөлсөн юм.
Мөн өнөөдрийн хуралдаанаар хоёр томилгоо хийгджээ. Тодруулбал, Шүүх шинжилгээний Ерөнхий газрын даргаар Ж.Буянбат, Төрийн цахим үйлчилгээний зохицуулалтын газрын даргаар П.Батбаатарыг томилсон байна.
