Байгаль орчин, хүнс, хөдөө аж ахуйн байнгын хороо хуралдаж байна. Хуралдааны үеэр ХХААХҮ-ийн сайд Х.Болорчулуун "Энэ хавар үнэ тогтворжуулахаас 130 тэрбум төргөгөөр гурван хувийн хөнгөлөлттэй зээлийг махны нөөц бэлтгэхэд олгохоор УИХ-аас баталсан. Хэдийгээр гурван хувийн хүүтэй боловч аж, ахуйн нэгжүүд бүрэн аваагүй. Учир нь урьд жилүүдэд аж, ахуйн нэгжүүд нөөцийн мах бэлдээд үнийн ханшны зөрүүгээс алдагдалд орсон. 55.5 тэрбум төгрөгийг 12 ААН л авсан. Цаашид махны нөөцийг ХХААХҮЯ бүрдүүлэхгүй. Аймаг нийслэл нь өөрөө бүрдүүлж байх ёстой" гэлээ.