Монгол Улсын Засгийн газрын 2020 оны 5 дугаар сарын 20-ны өдрийн ээлжит хуралдаанаар “Агаарын замын боомтын талаар авах зарим арга хэмжээний тухай” тогтоолыг баталлаа.
Тогтоол ёсоор “Буянт-Ухаа” Олон улсын нисэх буудал дахь агаарын замын хилийн боомтыг 2020 оны 7 дугаар сарын 1-ний өдрөөс “Чингис хаан” Олон улсын нисэх буудалд шилжүүлж, хилийн хяналтын байгууллагууд хяналт, шалгалт явуулахад шаардагдах зардлыг холбогдох журмын дагуу шийдвэрлэхийг Сангийн сайд, Хилийн боомтын үндэсний зөвлөлийн дарга Ч.Хүрэлбаатарт зөвшөөрөв.

                                                                                                                                                                                                                               Эх сурвалж: Зам тээвэр хөгжлийн яам