Нүүрсний гэх хэрэгт холбогдуулан Ардчилсан Намаас МАН-ын нэр бүхий таван гишүүний баримт мэдээллийг Авлигатай тэмцэх газарт өгөх талаараа мэдээлэл өглөө.
Энэ үеэр АН-ын Ерөнхий нарийн бичгийн дарга И.Мөнхжаргал “Нүүрсний хулгайн хэрэгт УИХ-ын гишүүн С.Батболд, П.Анужин, Т.Аюурсайхан, Ж.Мөнхбат, Ч.Хүрэлбаатар нар холбогдсон гэдгийг манай нам зарласан. Эдгээр хүний нүүрсний гэх хэрэгт холбоотой болох баримт материалыг АТГ-т хүргүүлэх гэж байна. Бид өгсөн гомдол, мэдээллийн талаар хяналт тавьж, гарсан шийдвэрийн талаар иргэд, олон нийтэд мэдээлэх болно” гэлээ.
