Хууль зүй, дотоод хэргийн сайд Х.Нямбаатар, ЗГХЭГ-ын дарга Д.Амарбаясгалан нар мэдээлэл хийлээ. Энэ үеэр ЗГХЭГ-ын дарга Д.Амарбаясгалан "ҮАБЗ-ийг Үндсэн хуулиар Монгол Улсын төрийн тэргүүн тэргүүлдэг. Хэлэлцэх асуудлыг оруулах эрхтэй субьект нь төрийн тэргүүн байдаг гэсэн үг. Аюулгүйн зөвлөлийн нарийн бичгийн даргаар өнгөрсөн хугацаанд А.Гансүх гэдэг хүн ажиллаж байсан. Экс төрийн тэргүүн Х.Баттулга болон ҮАБЗ-ийн нарийн бичгийн даргаар ажиллаж байсан А.Гансүх нар нь 2008 оноос эхлэн Тавантолгой Гашуунсухайт чиглэлийн төмөр зам болон бусад чиглэлийн төмөр замтай холбоотой асуудлыг үе үеийн УИХ, ЗГ дээр асуудлыг дэвшүүлж, 14-15 жил холбогдож ирсэн. Энэ утгаараа нүүрсний оффтейк гэрээг байгуулж, төмөр замын бүтээн байгуулалт хийх санаачилгыг гаргаж ирсэн" гэлээ.