УИХ дахь МАН-ын бүлгийн дарга Д.Тогтохсүрэн мэдээлэл хийсэн. Тэрбээр оффтейк гэрээнүүдийг нууцаас гаргах, ҮХНӨ-ийн төслийг энэ ондоо багтаж, яаралтай хэлэлцүүлэх, мөн нүүрсний асуудлаар нээлттэй сонсгол хийхээр шийдсэн гэх мэдээллүүдийг өгсөн.
Үргэлжлүүлэн тэрбээр сэтгүүлчдийн сонирхсон асуултад хариуллаа.
-Ерөнхийлөгчийн зүгээс УИХ-ыг тараах санал гаргасан гэх мэдээлэл гараад байна. Энэ хэр бодитой вэ?
-Ерөнхийлөгчөөс албан ёсоор УИХ-ыг тараах албан бичиг гараагүй. Бид Үндсэн хуультай. УИХ тарах шийдвэрийг УИХ өөрөө гаргадаг. Гэхдээ санал гаргадаг 2 субьект бий. Нэг нь Ерөнхийлөгч. Одоогоор Ерөнхийлөгчийн зүгээс УИХ-ыг тараах санал УИХ-д ирээгүй.
-Авлига албан тушаалын ялын бодлогыг чангатгах гэж байгаа юм байна. Энэ талаар дэлгэрэнгүй тайлбарлавал?
-УИХ-д Засгийн газраас өргөн барьсан Эрүүгийн хууль бий. УИХ-ын Хаврын чуулганаар өргөн барьсан байдаг. Авлига албан тушаалын гэмт хэргийн ялыг бодлогыг нэлээд хэмжээгээр чангатгасан. Үүнийг УИХ хэлэлцэж батлах шаардлагатай гэж үзсэн.
Мөн ҮХНӨ-ийн асуудлыг ярина. Түүнээс шинэ ҮХ-ийн тухай ярихгүй.
