2020 оны УИХ-ын сонгуульд  24 дүгээр тойрог буюу Сүхбаатар дүүрэгт АН-аас  нэр дэвшиж буй Э.Долгионыг сонгуулийн сурталчилгааны ажлаа хэдийнэ эхлүүлсэн талаар цахим орчинд шуугив.

​Учир нь тэрээр 2016 онд гаргаж байсан "Санхүүгийн хямрал ба холбооны нөөцийн банк" орчуулгын номынхоо далбаан дор өөрийн зурагтай сурталчилгааг нийслэлийн төв хэсэгт хэд хэдэн газар байршуулсан байна. Түүний энэ үйлдлийн талаар иргэд цахим орчинд дургүйцлээ илэрхийлж, УИХ-ын сонгуулийн тухай хуулийг зөрчиж байна хэмээн шүүмжилцгээж байна. 

• Сонгуулийн тухай хуулийн  39.1-д зааснаар  “Сонгуулийн сурталчилгааг нэр дэвшигчид үнэмлэх олгосон өдрөөс эхлүүлж, санал авах өдрөөс 24 цагийн өмнө буюу санал авах өдрийн өмнөх өдрийн 00:00 цагаас өмнө зогсооно" гэсэн байдаг.